Wednesday, December 14, 2011

Die Stad van Dawid.
Sowat 3000 jaar gelede het die jong Koning Dawid ‘n stad by die Jebusiete oorgeneem en dit sy hoofstad en tuiste gemaak. Jerusalem. Die stad het reeds beskik oor ‘n gevorderde water voorsieningssisteem wat ontspring het uit die Gihon fontein. A.g.v. die ligging bo op ‘n heuwel en omring deur valleie, was die stad ook maklik om te verdedig.
Ons lees in 2 Samuel 5:7-9 “Maar Dawid het die bergvesting Sion ingeneem; dit is die stad van Dawid.” “En Dawid het in die bergvesting gaan woon en dit die stad van Dawid genoem.” Hierdie stad wat later bekend geword het as die Heilige stad, is deur die eeue menigmaal verwoes en weer herbou. Met tye tot op die grond afgebreek, verwoes en verbrand, maar telkemale weer herbou - groter en sterker. En diep onder die rommel is geheimenisse en bewysstukke vasgevang wat vandag deur argeoloë opgegrawe en as bewysstukke onthul kan word.
Sowat 150 jaar gelede het argeoloë die eerste ontdekkings van die antieke stad gemaak en vandag word die gebied geleë Suid Wes van die hedendaagse Ou stadsmure net buite die Mispoort met reg weer genoem ‘Die stad van Dawid’. Op hierdie presiese plek is Jerusalem gebore.
Koning Salomo het later die “Stad van Dawid” uitgebou en o.a. die Eerste Tempel op die berg Moria gebou soos God dit aan Dawid beveel het. (2 Kron 3:1) Die tradisionele plek waar Abraham Isak moes offer. (Gen 22:2)
Die hedendaagse stad van Dawid is die historiese area van o.a Dawid se paleis met die Kidron vallei na die Ooste. Dit is werklik die kern van Jerusalem se ontstaan met ontdekkings wat insluit seëls (Bulla’s) met name van vername persone uit die eerste Tempel periode, antieke toilette soos deur konings en baie ryk huisgesinne gebruik, en selfs ‘n goue klokkie soos die wat aan die Hoë Priester se kleed was (Ex. 28:33-35) Aantrekkings sluit ook in Hiskia se leikanaal waardeur besoekers kan stap, die oorblyfsels van die Siloambad waar Jesus die blinde man genees het en die ondergrondse tonnels waar mens plek plek langs die tweede Tempel fondasiestene kan stap.
‘n Besoek aan die “Stad van Dawid” beteken ‘n besoek aan die geografiese kern van die Joodse volk. Dawid en Salomo het hier regeer en die profete Jesaja en Jeremia het hul ewigheids woorde hier gespreek. En vandag kan ons verwonderd hier rond wandel en onthou.

Tuesday, June 14, 2011

Die aand na sy besoek aan die Yad Vashem, 17 Mei 2011, het Koos die volgende gedig geskryf:

ek het vandag
'n jood geword
in die museum
dit was my seun
hy was klein
so tien
en ek kon sien
hy’s bang
sy oë was groot
ek was al dood
sy handjies in die lug
terwyl hy vir 'n nazi vlug
my dogtertjie was weg
haar longe en haar niere
was êrens in 'n klas
laboratorium van die adelras
op 'n ander plek
het ek later weer
wat oor was van my seun
bespeur
verweer
en seer
en uitgeteer
ek het vandag
'n jood geword
kerkvaders
het ek afgesweer
augustinus
en 'n pous
vir 'n oomblik
het ek probeer
met genade dink
maar ek kon geen
versagting vind
my kind
my kind
so maer
so vuil
hy huil
ek het vandag
'n jood geword

- koos van der merwe -






Hierdie fotos is deur Anne-mari Nagtegaal geneem gedurende ons toer - Mei 2011

Wednesday, June 8, 2011

Memoires

16 - 26 Mei 2011 - Israel en Jordanië saam met Dr Koos van der Merwe.
Terug na 'n reis deur die Bybellande ervaar mens gemengde gevoelens. Die hardheid van sommige landskappe in skrille kontras met vooruitgang en nuwe lewe wat die moderne staat Israel bied, hou aan om jou op onverwagse oomblike by te val.
Ons toer saam met Koos van der Merwe was in alle opsigte meer as wat ons kon droom voor. Die dinamika van 'n besonderse groep reisigers - die insig, wysheid en toewyding van ons bekwame geestelike leier - die land met sy magiese verwagtinge en borrelende energie  - saam met die nabyheid van die Heilige Gees deurentyd - was wenkombinasies !
Daar is nie benoeg plek op hierdie blad om al die oomblike vas te vat nie. Al word 'n toer hoe goed deurdink en beplan kan die verskuilde seëninge wat elke dag se besoeke inhou nooit voorsien word nie!         'n Paar persoonlike hoogtepunte vir my: 
  • Die koor "Afrika-Amerikaanse" stemme wat spontaan by die tuingraf "We are standing on Holy ground" in die agtergrong begin sing het terwyl ons groep Nagmaal gebruik.
  • Die intense empatie met God se volk as jy die verskrikking en smart ervaar met besoek aan die Yad Vashem Holocaust museum - Jerusalem.
  • Die opwinding, eerlikheid en toewyding van Jode by die Klaagmuur - en as bonus die vrolike groep Bar-Mitzvah vierders met hul ramshorings, balonne en danse!
  • Om te staan waar Moses gestaan het toe God die beloofde land vir hom gewys het - met Koos se lied "Dit is verby" nog in my gedagtes.......
  • Om elke dag te begin met Koos se leiding, insig en lering. En baie spesiaal - toe hy by Tabgha gedemonstreer het hoe dit moontlik was vir Jesus om met duisende te kon praat sonder klankversterking !
  • Bootvaart op die See van Galilea... om net te wees, te sien, te weet... Jesus was hier.
Ons toer was ook gekenmerk deur baie lag - veral die jolige agterbankers op die bus :) - baie "shopping" danksy Lea se geduld - heerlike kuiers rondom Midde-Oosterse geregte - die groot wedywer oor wie die beste foto kan neem - laat aand nagte in Jerusalem se strate - en lewenslange vriendskappe wat op hierdie spesiale toer gesmee is !
Ek verlang al weer terug....................

Yolandi
Beloofde land soos Moses dit gesien het in die agtergrond

Terugvoer van ons Toerlede


Ons het nie noodwendig gegaan om vakansie te hou nie, maar om o.a. te stap op die “Via Dolarosa” en Israel te beleef. Ons het veel meer as dit kon ervaar.
Vir my sal die volgende my by bly:
* Die opening, gedigte en sang van Dr. van der Merwe
* Die klank van ander groepe se sang by die verskillende besoekpunte
* Die besoek aan die graf en die gebruik van die Nagmaal
* Dr. van der Merwe wat ons kon lei by verskillende  besoekpunte soos die Tuin van Getsemane, Berg van die Saligsprekinge, ens, ens, Ook die geleentheid tot stilgebed.
Ek persoonlik hou nie daarvan om emosioneel te raak nie maar die trane het by verskeie geleenthede net gevloei
* Dat mens met ‘n groep kon wees wat hoofsaaklik Afrikaans gepraat het
* Seker die eerste toer wat ek onderneem het waar daar geen ongelukkigheid by die lede ontstaan het nie
* Die wyse waarop julle alles georganiseer het
So kan ek aanhou en aanhou.  Baie, baie dankie vir ‘n wonderlike belewenis en onvergeetlike toer!
Hans en Annatjie Botha
Windhoek
-------------------------------------------------------------------------------------------------------------

Ek weet nie waar om te begin om dankie te se nie. Die toer het aan al my verwagtinge voldoen, dit was werklik n geestelike reis en n sielsverreikende ervaring wat my altyd sal bybly.(Geld kan dit nie koop nie)   Julle het met die opstel van die leer regtig gesorg dat ons toerlede alles moes weet wat nodig was sonder om met te veel inligting oorweldig te word. Koos se oggendoordenkings was vir my een van die hoogtepunte, ek dink beslis dat die regte toerleier baie waarde toevoeg tot enige toer, en veral op so n pelgrimstoer.  So jy, Org en Koos vorm die regte driemanskap.  Dankie vir jou visie in hierdie verband, net jammer dat dit nie vir Koos prakties sal wees om al jou toere te lei nie!

Martie Buys
Pretoria

Hoekom 'n reis na Israel en ander Bybellande?





'n Reis na die Bybellande is afspraaktyd. Gekoopte tyd. Soos alle ander reise gaan jy om nuwe ervarings mee te maak, plekke te sien, jou sintuie te voed. Maar Bybellandreise hou ander verwagtinge in. Hierdie reise sal jou by besondere plekke bring - waar Hy vir jou wag.

Neem byvoorbeeld Jerusalem. Daar is geen stad op aarde soos Jerusalem nie. Hier ervaar 'n mens die religieuse verlange van Jode, Moslems en Christene gelyk. Hierdie stad vertel van Salomo se wysheid, maar ook van bloed wat soos reenwater in die straatvore loop.

Eers as jy daar was, kan jy begin om dit te verstaan. Die Joodse liefdesverhouding met hierdie Heilige Stad word eeue al bedreig deur volkere soos die Egiptenare, Assiriers, Babiloniers, Romeine, Moslem Arabiere, Middeleeuse krygtogte, die Ottoman ryk, die Britse ryk. In Israel raak jy bewus van geskiedkundige wonderwerke, beloftes en Geloftes. Van profesiee en van God se verbond met Sy volk. Jy raak bewus van die 'groter prentjie', maar word ook gekonfronteer deur jou eie vasgelegde ides, voorkeure en vooroordele.

Wednesday, April 20, 2011

Petra





Tussen die betowerende berglandskappe van Jordanië, lê die unike stad Petra. Die naam beteken “Rots” volgens die Griekse vertaling van die Hebreeuse naam ‘Sela’. Dit word vermeld in die Bybel as die Hoofstad van die Koninkryk van Edom - tradisioneel bewoon deur bedoeïen gemeenskappe.


Ons stap die sowat 3 km vanaf die ingang tot by die stad deur die mees asemrowende rotsformasies. Die eerste 2 km stap ons verby verskeie grafkelders, die Djin blokke en die Obelisk. Die laaste deel staan bekend as die ‘Siq’. Dit is ‘n nou kloof van ongeveer 1km lank met sekere areas net 2 m wyd. Tussen die asemrowende sandsteenformasies golf die paadjie – plek-plek met oorspronklike kobbelstene – tot die bekende “Skatkamer” skielik reg voor jou te voorskyn kom!


In die somer van 1812 reis ‘n jong 28 jarige Switserse verkenner, vermom as Bedoeïen, vanaf Aleppo na Caïro. Sy naam was Johann Ludwig Burckhardt, ‘n kenner van Arabies en Islamitiese regte, met ‘n missie om die oorsprong van die Nylrivier in Afrika te gaan verken. Hy word egter nie onthou vir sy Afrika ekspedisies nie, maar as die man wat die Antieke stad Petra ontdek het. Vermom as “Sheikh Ibrahim” kom die jong avonturier te hoor van ‘n versteekte stad se ruïnes iewers tussen die Wadi Musa gebergtes. Hy koop ‘n paar bedoeïn metgeselle om deur vir hul te vertel dat hy ‘n eed afgelê het om die grafkelder van Harun (Aaron se graf) te besoek. Op 22 Augustus 1812 stap Burckhardt deur die Siq – die eerste Europeër van ons tyd om so te doen – en ontdek die fabelagtige ruïnes van die Skatkamer van die Farao (Al-Khasneh). Hy was wel bekend met die Bybel en het goed besef dat hy heel moontlik die Nabataense hoofstad – Petra – ontdek het!

Wednesday, March 30, 2011

Megiddo



The name Megiddo is derived from the original Hebrew word pronounced har-Megiddon, from which we get the English pronunciation Armageddon - a name well familiar to those who study Bible Prophecy. Megiddo in Hebrew means something like rendezvous, or place of troops.  
Megiddo has had a very long history, going back past 3,000 B.C., mostly due to its strategic location on a pass through the Carmel mountain range. Those who held Megiddo controlled one of the best direct trade and military routes between Egypt and Mesopotamia (Iraq). The site has had at least two dozen different occupiers, including The Ancient Egyptians. Due to its strong defensive position, it was not one of the earliest cities taken by the Israelites after they entered the promised land under Joshua. By the time of King David however, the city came fully under Israelite control.
King Solomon, son of David, rebuilt Megiddo as a major center. Solomon did things in a grand way, and Megiddo was no different - he stabled 450 horses there and fortified it. After the division and decline of the northern and southern Israelite kingdoms of Israel and Judah, Megiddo briefly fell under Egyptian and Assyrian control before eventually being destroyed and left a ruin, as it is remains today.
Armageddon is of course most well-known from its single mention in The Bible, as a place where a great end-time gathering of armies is prophesied to occur - "Then they gathered the kings together to the place that in Hebrew is called Armageddon." Revelation 16:16.
It is significant that the Bible reference to Armageddon is that of a place where a great mass of troops will gather, not fight. The actual great battle will occur near Jerusalem.
SCRIPTURE SUMMARY
  • Joshua killed the king of Megiddo during the Conquest (Joshua 12:7, 12:21).
  • The city of Megiddo was allotted to the tribe of Manasseh (Joshua 17:11I Chronicles 7:29).
  • Deborah and Barak led the Israelites to victory over the Canaanite armies of Sisera by "the waters of Megiddo" (Judges 5:19-20).
  • Solomon made Megiddo one of his district capitals as well as one of his three main fortress cities (I Kings 4:12; 9:15).
  • King Josiah of Judah died in battle near Megiddo when he tried to thwart pharaoh Necho's attempt to succor the Assyrians at the Battle of Carchemish (II Kings 23:29-30; II Chronicles 35:20-24).
Western military forces gather in the Valley of Megiddo, at Armageddon,  and proceed to Jerusalem to engage eastern forces advancing in that direction, and at the height of battle encounter the unforeseen intervention of the Messiah (Revelation 16:16).

Friday, February 25, 2011

Een Here, Twee grafte


In Jerusalem is daar 2 grafte wat onderskeidelik deur die Protestante en Rooms-Katolieke bewegings as Jesus se graf beskou word. Vir Christene van alle dinominasies verteenwoordig DIE GRAF, die mees belangrikste gebeurtenis in ons geloof nl. Jesus se opstanding uit die dood. 

Die tuingraf word deur Protestantse Christene onderhou en algemeen as die graf van Jesus beskou. Hierdie area is eers sowat 100 jaar gelede ontdek . Die Heilige graf of “Holy Sepulcher” beskik onder andere oor die laaste 4 stasies van die Via Dolorosa roete. Die eerste kerk is reeds  in die jaar 326 nC deur Konstantyn I op hierdie area gebou – toe reeds beskou as Jesus se graf. Sedertdien is dit vele male herbou en vandag oorvol en oordoen. Een van die hoof redes hoekom veral Protestantse Christene nie tuis voel hier nie.

Maar waar gaan ons in ons pelgrimstog as ons Jesus se opstandingsplek wil besoek en herdenk?
Die Tuingraf het ‘n ongekende kalm atmosfeer  en soos die naam beskryf, word dit omring deur pragtige tuine. Dit word onderhou deur Protestantse vrywilligers van Brittanje. Naby die tuin is ‘n koppie wat duidelik soos ‘n skedel lyk. Een van die hoof motiverings dat hierdie moontlik Golgota is.

Een argument teen die Tuingraf is dat die graf te oud is. Argeologiese opgrawings het bevind dat die graf heelwat ouer as 2000 jaar is – moontlik selfs dateer sowat 6000 jr. vC. en dus nie strook met die  Evangelies wat die graf van Josef van Arimathéa as ‘n “nuwe graf” beskryf nie. Nog ‘n argument teen die tuingraf is dat die Britse generaal  Charles Gordon foutiewelik die are identifiseer het omdat hy gedink het die Heilige Graf is binne die stadsmure en die Bybel beskryf die area as buite die stadsmure. Die huidige stadsmure is nie die oorspronklike mure soos in Jesus se tyd nie. 

Die beste is om beide hierdie plekke te besoek en self ‘n opinie daaroor te vorm. Op Woensdag 18 Mei gaan almal wat saam toer hierdie geleentheid kry!